NOS DIOCESE KA DI HOJE

Diocese de Santiago: 489 anu

Di um amor ki ta guengue ka ta quebra

Sima ondia na altu mar

Que só di odja ta dau gana n' gaba.

489 anu celadu

ku aliança di kenha que si fidelidadi

Ta permanece na tempu e eternidadi

Undi nós tudo cré alcança.

Gangadu na cumpanheru

Karapatidu na Jesus,

Nu ta badja na compassu di amor

Pa um Igreja kada bes mas unidu.

Nha diocese, n' sta contente di odjau ta boia

Só leveza di S' pritu Santu,

Ki nós pastores é ta guia

Pa djudanu ser um outro Cristu.

Kantu ki evangelizason txiga és Ilhas

Nha djente ki maravilha!

Más sabi inda go é odja:

500 anos la ta bem.

Nós Diocese ka di oji

Ma nunka ka faltunu Jesus.

Evangelhu sta na nós

Ago nu partilhal ku nós minis.

Tesouro grandi nu sata carega

Ka nu trocal ku nada.

Igreja di Jesus Cristo li na Cabo Verde

Teni si raíz compridu, ka nu sapal.

Storia construidu, kontadu ka inventadu

Realidade ki tudo universu ta testemunha.

Fladu nós é um povu di fé

E mim ta acredita mé.

N' tom nu continua ta conta stória

Antes go nu conserval.

N' ka sata ser egoísta:

Mas, bo ki sta longi volta.

Kel sementi que bu podu na batismo

Ta reclama bu pertença à Igreja.

Nu caminha djuntu, nu ka tem motivo queixa,

Deus dja provanu si grandi amor.

Nu abre corason nu da Deus nos gratidon

Hoje i sempre nu canta si grandeza.

Nu pedi pe inxi nos Diocese de si beleza

I nos nu ta cuida dês grandi don.